Kərbəla Qibləyi Eşqimdir Mənim Seyyid Taleh

Kərbəla qibləyi eşqimdir mənim
Ürəyim dəftəri məşqimdir mənim
Yazaram ruhuma reyhandır ağam
Aləmin dərdinə dərmandır ağam

Bu Hüseyn zikri, şərafətdir mənə
Süd verəndə anam öyrətdi mənə
Bu qara köynəyim izzətdir mənə
Mən gədayəm mənə sultandı ağam
Aləmin dərdinə dərmandır ağam

Demərəm məqsədimə yetməmişəm
Vacibat əmrini tərk etməmişəm
Mən ki, ayrı qapıya getməmişəm
Can fəda eşqinə canandır ağam
Aləmin dərdinə dərmandır ağam

Gözümə çəkmə behiştin bağını
Min bağa verməm onun dırnağını
Öpərəm Kərbubəla torpağını
Deyərəm şahi-şəhidandır ağam
Aləmin dərdinə dərmandı ağam

Qoy əzadarə gülə ali Yəzid
Kəmərindən vurar Abbasi rəşid
Ağamın kəsdi başın Şimri pəlid
Demədi höccəti Rəhmandır ağam
Aləmin dərdinə dərmandı ağam

Ağamın başı çıxıb neyzələrə
Ərməğan getdi haramzadələrə
Başkəsənlər tökülüb xeymələrə
Zeynəbin xeyməsitək yandı ağa
Aləmin dərdinə dərmandır ağa